Día 1:

Bos días queridas familias, somos o equipo técnico de monitores e monitoras que acompañamos aos vosos fillos e fillas durante esta divertida experiencia. 

Pasámonos por aquí para contarvos todo o que fixemos onte no primeiro día de campamento. 

Como vístedes, o día comezou coa recepción e recollida de toda a información necesaria acerca dos vosos pequenos e pequenas, termiando así coa despedida e os últimos mimos antes de comezar con esta experiencia. A medida que os nenos e nenas ían chegando algúns de nós encargabámonos de dinamizar xogos de presentación e así aplacar os nervios de emoción que moitos traían.

 Despois destes primeiros momentos, cando xa estabamos todos e todas, pasamos a prepararnos para a hora da comida, onde degustamos de primeiro unha ensalada e menestra de verduras e un segundo prato de patacas fritidas con albóndigas bañadas en tomate que estaban incríbles.

Co estómago cheo e a enerxía cargada, chegou o momento no que todos os nenos e nenas tiveron os seus primeiros momentos de interacción a través de xogos xestionados. Todo iso foi seguido dos primeiros bailes de tantos que nos esperan durante estes días, bailes que despexaron os poucos nervios que quedaban.

 

Xa máis tranquilos, o equipo técnico presentámonos formalmente, falámoslles un pouco de cada un de nós e confesámoslles algúns dos nosos segredos máis divertidos. Un momento especialmente importante xa que pretendemos que os nenos e nenas atopen nos seus monitores, ademais desas figuras de diversión, unha referencia á cal acudir en caso de dúbidas, inquietudes ou problemas. 

Para comezar coa acción, fixemos unha guerra de cores na que os acamapados/as tiñan que pillar ao equipo de outra cor determinada e defender a súa. Todas e todos participaron e motiváronse moito defendendo e atacando as cores entre gargalladas e moita emoción.

Despois de todo isto, chegou o desexado momento de tantos acampados e acampadas, coñecer todos e cada un dos puntos das instalacións e as habitacións nas que convivirán todos estes días.

Todos nós encargámonos de que cada pequeno e pequena puidese colocar todas as súas pertenzas, acomodarse nas súas respectivas habitacións e ducharse despois de todo un día en movemento. 

Logo chegou a cea, onde puidemos degustar os pratos (pizzaaaa!!) que con tanto agarimo prepáranos o persoal de cociña. Despois deste tempo de encher os estómagos e de descanso, acabamos o día cunha velada. Unha velada onde dous equipos (coelliños e pececiños) tiveron que descifrar con códigos unha bonita mensaxe segreda co que acabar o día. Poñémoslle broche final ás actividades coa lectura dun conto antes de subir ás habitacións.

Tras todo o día sen parar, chegou o momento de deitarse, pero non sen antes de que os compoñentes do equipo técnico pasasen polas diferentes habitacións para saber como viviron e sentiron todos e cada un dos nenos e nenas o primeiro día desta experiencia. 

E ata aquí foi o primeiro día de todos os que nos quedan, seguiremos contándovos todas as novidades. Ata loguiño!